यस ग्रामीण बचत तथा ऋण सहकारी संस्था लि.को १६ देखि ४५ वर्ष उमेर समूहका महिला शेयर सदस्यहरुलाई संस्थाको सभा हलमा सहकारी सदस्य शिक्षा तथा वित्तीय साक्षरता कार्यक्रम सफलतापूर्वक सम्पन्न गरिएको छ। कार्यक्रमको सञ्चालन महिला उपसमिति सदस्य ईन्द्रा भण्डारीले गर्नुभएको थियो। कार्यक्रममा स्वागत मन्तव्य महिला उपसमिति सदस्य शोभा सेजवालले राख्नुभएको थियो भने शुभकामना मन्तव्य संस्थाका अध्यक्ष लक्ष्मण कुमार राईले व्यक्त गर्नुभएको थियो।कार्यक्रमको सहजीकरण संस्थाको प्रबन्धक शान्ता राईले गर्नुभएको थियो। त्यसैगरी उपस्थित सहभागीहरुको तर्फबाट रमा शर्माले तालिम अत्यन्त उपयोगी, समय सान्दर्भिक र व्यवहारिक रहेको धारणा व्यक्त गर्नुभएको थियो।कार्यक्रमको समापन कार्यक्रम संयोजक कञ्चन श्रेष्ठले गर्नुभएको थियो ।
कार्यक्रममा सक्रिय सहभागिता जनाउनुहुने सम्पूर्ण शेयर सदस्यज्यूहरूलाई हार्दिक धन्यवाद व्यक्त गर्दछौं। आगामी दिनहरूमा पनि यस्ता उपयोगी कार्यक्रमहरू निरन्तर सञ्चालन गर्दै जाने प्रतिबद्धता व्यक्त गर्दछौं।