यस संस्थाका नँया शेयर सदस्यहरुलाई लक्षित गरी मिति २०८१।०२।१९ गतेका दिन शा.न.पा.–१ स्थित शिवजन मा।वि। मा गरिएको सहकारी सदस्य शिक्षा तथा वित्तीय साक्षरता कार्यक्रमको सन्चालन शिक्षा उप समितिको सदस्य श्री ज्ञानु अधिकारीले गर्नु भएको थियो र उक्त कार्यक्रमको अध्यक्षता शिक्षा उपसमितिको संयोजक श्री निनु शाहले गर्नु भएको थियो । शिक्षा उपसमितिको सदस्य श्री शारदा थापाको स्वागत मन्तव्य बाट सुरु भएको कार्यक्रमको उद्घाटन संस्थाको अध्यक्ष श्री लक्ष्मण कुमार राईज्युले गर्नु भएको थियो । उक्त कार्यक्रममा वित्तीय क्षेत्रमा लामो अनुभव संगाल्नु भएका तथा यस संस्थाको शेयर सदस्य सन्तोष कुमार राईले शुभकामना मन्तव्य राख्नु भएको थियो । साथै उक्त कार्यक्रमको सहजीकरण प्रबन्धक श्री शान्ता राईले गर्नु भएको थियो । सहभागिको तर्फबाट शेयर सदस्य श्री शुशिला खड्काले कार्यक्रमको उपलब्धीबारे आफ्नो भनाई राख्नु भयो साथै कार्यक्रमका अध्यक्ष श्री निनु शाहबाट कार्यक्रमको समापन भएको थियो ।