विस्तारित मञ्च मार्फत मिति २०८२।०१।१३ गते शनिबारका दिन उद्योग वाणिज्य संघ शा.न.पा.–१, श्रीनगर, सल्यानमा पायक पर्ने संस्थाका सक्रिय शेयर सदस्यहरुलाई संस्था स्थापनाको संक्षिप्त पृष्ठभूमि, वर्तमान अवस्थाको बारेमा प्रबन्धक शान्ता राईले स्पष्ट जानकारी गराउनु भएको थियो । साथै संस्थाको पदाधिकारी एवं सदस्य र प्रबन्धकले विद्यमान नीतिहरु, बचत तथा ऋण सेवा, सदस्य केन्द्रित कार्यक्रम सम्बन्धि सहभागी शेयर सदस्यहरुसँग अन्तरक्रिया गरी सो सम्बन्धि सुझाव संकलन गरिएको थियो । संस्थाका अध्यक्ष लक्ष्मण कुमार राईको अध्यक्षतामा सुरु भएको कार्यक्रमको सञ्चालन सचिव श्रीकान्त राईले गर्नुभएको थियो । उक्त कार्यक्रममा सेवा केन्द्र सन्चालन तथा व्यवस्थापन उपसमितिको सदस्य सुशिला बस्नेतले स्वागत मन्तव्य व्यक्त गर्नुभएको थियो । लेखा सुपरीवेक्षण समितिको संयोजक रुपसिंह राई र शेयर सदस्य राजेन्द्र भण्डारीले शुभकामना मन्तव्य व्यक्त गर्नुभएको थियो ।शेयर सदस्यको उत्साहपूर्ण उपस्थिति रहेको थियो भने अन्तरक्रियामा आफ्नो भुमिका सकृयता पूर्बक निर्वाह गर्नुभएको थियो ।उपस्थित शेयर सदस्यहरु मध्य पुरुषको तर्फबाट हेमन्त खड्का र महिलाको तर्फबाट पार्वती भण्डारीले कार्यक्रमको बारेमा आफ्नो भनाइ राख्नुभएको थियो । आफ्नो महत्वपूर्ण अभिव्यक्ति सहित अध्यक्ष लक्ष्मण कुमार राईले कार्यक्रमको समापन गर्नुभएको थियो ।